كـان يـا مـا كــان

كان يامكان كنت عايش لوحدي
بعاند الزمان و وخدها معاه تحدي

قافل عليا بقفل مفتاحه مصدي
 بصحى وبنام و أهي أيام بتعدي

كنت عارفك من زمان بس الكلام كان ع القد
وفليله كلمتك و أهو تضيع وقت مع أي حد

مره ف مره بقينا صحاب قريبين
  رغم بعد المسافات فضلنا متواصلين

مافيش يوم عدا علينا ماشافش كلامنا
كأنه كان سلاح بنهزم بيه غربتنا

حسيت عليا بالخطر لما القفل بدأ يتفتح
حاولت أقفله تاني بدل ما أنجرح

دورت ع المفتاح المصدي مالقتلوش أثر
حاجه جوايا فرحت .. ساعتها زاد إحساسي بالخطر

ضحكت ضحكه يأس وقولت قصتنا مستحيله
أنا في بلد وإنتي في بلد يعني حظنا نيله

بس فرحة قلبي بيكي كانت أقوى
سرقتني من يأسي و خلتني عليه أستقوى

سبت عقلي ورايا ومشيت من غير "و بعدين"
عايش معاكي في خيالي قصه بطلها الحنين

و عيشت صراع بين اليأس و الجنون
بين فرحه في الخيال و أمل مش مضمون

وكانت أحلى مفاجأه لما فجأتيني برجوعك
كان هاين عليا أطير من مكاني وأحتفل بوجودك

من حلاوة المفاجأه إتلخبط جوايا الكلام
مابين الأندهاش و ضحكه مداري جواها كلام

و كان أول لقا بنا في فرح ماتعزمتش عليه
حضرته رخامه و ماهمنيش هيتقال عليا إيه

ساعة ما شوفتك كل حاجه في الدنيا وقفت
الدوشه و الناس و كأن الدنيا من جمالك إتكسفت

روحت يومها و نسيت أقولك إنك كنتي أحلى من الكل
و خدت قرار بقولة بحبك ببوكيه ورد و عود فل

إستنيت عيد ميلادك وعملت خطه كانت شغلاني
من وإنتي مسافره و الفكرة ف بالي مجنناني

فاجئتك بغنايا و علي ركبي سألتك تتجوزيني
و رغم كسوفك و دموعك بعنيكي جاوبتيي

جريت بعدها مع أهلي على بيتك
بقلقي و توتري طلبت من الحج إيدك

عايشين من بعدها خطوبه زي الحلم
الحقايق فيها أحلى من مية خيال و وهم

وأهو تلات شهور فاتو ماعرفش عدوا إزاي
مابين مفاجأت و جنان ولسه أكتر جاي

و رغم إنك راجعة مسافره تاني
بس في زكريات كتير معاها سيباني

هصبر على بعدك زي ماصبرت زمان
و يوم ماهحس بالخطر دبلتك هتديني الأمان

هستنى يوم نتجمع فيه من غير مايبعدنا سفر
جوا بيت نبنيه أنا و إنتي حجر حجر

هنحكي فيه لأولادنا عن حكاية
إبتدت صدفه بس عمر ما هيكونلها نهاية

أوقــات

هتعدي عليك أوقات هتحس إن شقاك مالوش لازمه

و إنك مهما تتعب و تعافر هتفضل هي هي الأزمه

و أوقات مش هتحس فيها الدفا غير بفنجان قهوة ويا سجارة

و كأن قلوب كل اللي حوليك بقت عليك حجارة

و مهما تحاول تغني هيفضل الغنا جوه صوتك محبوس

و مزاجك مش مفهوم كأنك من مية عفريت ملبوس

قلبك من جواك عمال ينزف دم مش متشاف

بتداري الوجع في ضحكك لما يقولوا عليك إنك شفاف

و هيجيلك أوقات هتحس إن البشر بتقولك إنت مش منا

ساعتها هتسمع ربنا بيقولك فإصبر لحكم ربك إنك بأعيننا

وقتها بس عينك هترق و ترضي تدمع

وروحك هتفضفضله بوجع بقاله سنين متجمع

وقبل ماتمسح دمعك بإيدك إيد ربنا هتسبقك

وبدل كل حنان البشر حنيته هتحوطك و تطمنك

همسه في ودنك هيقويك تكمل مشوارك لمنتهاه

ماهو بين الأوقات دي و دي هي كده أصلا الحياة

في عـز السقعـة

و في عز السقعة بدفى بالغنا  لعينيـكي

و بصوتي البردان أحاول أدفيـكي

قدام الدفاية نشرب أنا و إنتي الشاي

كوباية واحدة محوطاها إيديا و إيديكي

رقبينا أنا و إنتي متحوطه بنفس الكوفيه

لسه ريحتك فيها من لما جبتهالي هديه

ولما يلمس شعرك خدي .. الاقيني بضمك

و أهمس في ودنك و أسألك .. سقعانة ؟؟

تبصيلي بلمعة عينيكي و تقولي بحبك

و تحمر خدودك فلاقيكي أدامي  ورده خجلانه

لتنــاقض الإحســـاس

لتناقض الإحساس ...

فطالما كان الأختيار أصعب

فأحلى الأختيارين مر ....

إختيار ما بين فرقة معتادة يتبعها لقاء

أم لقاء كفرح قصير يتبعه ألم الفراق

فالفراق يبدأ مؤلما .. كئيبا .. و كأنه موت بطيئ

إنسحاب للروح يتلوه بطء بنبضات القلب

يأتي بعد ذلك الحنين ... إسترجاع الصور و الذكريات .. و فجأة تستعيد أذني أصوات ضحكنا و كلامنا

فترتسم على الشفاه إبتسامة ممزوجة بدمعة مجهولة الهوية ....

أهي دمعة حزن على الفراق أم أنها دمعة حنين إلى لقاء قريب !!

تمضي الأيام بنبل الألم .....

ألم الحنين إلى الذكريات و ألم الإشتياق إلى اللقاء

أرتاح به ويصبح هو دوائي الذي لا أحيا إلا به

فنبل الألم يا عزيزتي إدمان المتيم بالعشق

أما اللقاء ......

فتبدأ أعراضه بالظهور قبل مولده

فلمعة العين و الإبتسامة البلهاء أدلة إثبات واضحة على قرب موعده

يزيد الأشتياق أضعافا ما إذا إقترب اللقاء ولكنه إشتياق مبهج و كأنه إشتياق بلون السعادة ...

مشمس و مشرق ... خفيف لدرجة تجعلك تشعر انك لست على الأرض .....

و يبدأ التخطيط ... ترى ماذا أقول ؟؟

ما الأغنية المناسبة لهذا اللقاء ؟؟

يالسخافاتي !! و ما يشغلني بماذا سأقول او ماذا سأغني !!

فدائما ما تقول العين أصدق الكلمات ...

و يأتي اللقاء ...

ضجيج الكون يصمت فجأة .. كل الأصوات حولنا تختفي ....

لا وجود إلا لأصوات تغريد العصافير مع حفيف الأشجار

يتناغمون سويا ليضعوا لنا الموسيقى التصويرية للقاء

أنظر إلى عينيكي ليغرق كلامي في مقلتيكي ويصبح لا يسعني إلا أن أتجرأ و أضع زهرة أزين بها شعرك المتطاير حول وجهك

و سريعا ينتهي اللقاء ...

كحلم جميل يقصر زمنه مهما طال

تتوادع الأيادي و الأعين متعلقة ببعضها تأبى الوداع

و يمضي كل جسد ليعواد العيش في تلك الدائرة المفرغة مابين فراق و لقاء

و لكن تظل الأرواح متشابكة ببعضها

لتضمن عودة كل جسد للقاء قريب

عــادي ؟؟؟

عادي لو قلتلك شوفتك وحشتني ؟؟؟ و عادي لو قلتلك ان صوتك بيرن في ودني ؟؟ طب هو ينفع تخليكي و ماتسافريش ؟؟!! حتى لو في نص الطريق ارجعي مايهمكيش اشوفك مرة كمان و اخد معاكي صورة نسينا نتصورها و اضحك معاكي ضحكة تصبرني على اللي هعيشه من غيرها واهمس في ودنك ماتسبنيش ده انا ماليش غيرك خلي ايدك في ايدي وندعي ربنا يخليني نصيبك

عـن التقيــد بالــذات

عـن تلــك الدمعة المتحجرة بمقلتيك ...

تأبى النزول فتعلن إنكسـارك

و تأبـى الرجوع فتعلـن السلام و اللا شيء

عـن تلــك الكلمــات المسجــونة بيـن صدرك و لســانك

تأبـى الخـروج فتكشـف للعــالم سرهــا

و تــأبى البقــاء ساكنــة .. فتــموت وحيـدة

عـن تلـك الهمـهمـات التـي تـرددهــا قبـل نومــك

تـأبى البقــاء من الأمـس فتنســى

و تـأبى أن تكــون غد لازالـت لا تعـرفه

عـن تلـك الأحلام بالغــد الأفضل

تـأبى أن تتـحقق .. فينتــهي الحلـم

و تــأبى أن تتــعايـش مع ألام اليـوم

عـن أميـرة أحلامــك و أطفــالك الخيــاليـن

يـأبون تـرك الخيــال و العيـش فـي الواقـع

و يـأبون عيشـك للواقــع بدونــهم

عـن تلــلك الذكريــات التــي تفتــرش وسـادتــك ليـلا

تــأبـى أن تـدفن في رمــال نسيــانك

وتــأبـى البقــاء ذكــرى بدفتــر يوميــاتك

عـن كـل تجـربة عشــت معهــا و تـألمـت بهــا ..

تــأبى  أن تُنسى فتفقـدك ما تعلمتــه منهــا

و رأفـة بحـالك .. تـأبى علـى أحـداثــها أن يقتــلك ألمهــا

عـن كـل أغنيــة كتــبتـها و أستـوحيـت كلمـاتهـا مـن حبيبتــك
تأبى البــوح صراحـة أن كلامـك لهــا
و تـأبى أن تُســجن بصـدرك و تــموت إن لـم تخـرج بوقتــها

عـن التقيــد بالــذات ..........

ذاك الركن البعيد



و في وسط ذلك العبث الذي أرغمت على العيش فيه ...
تبقي أنتي ذلك الركن الهادئ ..

 أتوق إلى الذهاب إليه ..

 لأتطهر فيه عن كل أخطائي و أخطاء قدري‎ ‎فيي ..

ذاك الركن البعيد الذي سأرفع فيه صلاواتي وإبتهالاتي و دموعي و أمنياتي إلي ربي

ذاك الركن الذي تتراقص فيه دموعي و هي تنسال رهبة لقداسة حضورك

ذاك الركن الحنون ... الذي سأنام فيه لأستيقظ بلا جراح من الماضي

ذاك الركن الذي مت من أجل الوصول إليه أعواما و أعواما و سأواصل الموت حتى أصل إليكي

ألف و ألف عام و أنا أموت إشتياقا إليكي ..

 إلى لمسك .. إحتضناك .. البكاء على كتفيك و الصراخ بألف ألف آه حتى تتقطع أحبالي الصوتيه

أشتاق أن تلملمي أجزائي المتكسره و لكن أخشى عليكي أن يجرحكي زجاج عمري المتكسر