أوقــات

هتعدي عليك أوقات هتحس إن شقاك مالوش لازمه

و إنك مهما تتعب و تعافر هتفضل هي هي الأزمه

و أوقات مش هتحس فيها الدفا غير بفنجان قهوة ويا سجارة

و كأن قلوب كل اللي حوليك بقت عليك حجارة

و مهما تحاول تغني هيفضل الغنا جوه صوتك محبوس

و مزاجك مش مفهوم كأنك من مية عفريت ملبوس

قلبك من جواك عمال ينزف دم مش متشاف

بتداري الوجع في ضحكك لما يقولوا عليك إنك شفاف

و هيجيلك أوقات هتحس إن البشر بتقولك إنت مش منا

ساعتها هتسمع ربنا بيقولك فإصبر لحكم ربك إنك بأعيننا

وقتها بس عينك هترق و ترضي تدمع

وروحك هتفضفضله بوجع بقاله سنين متجمع

وقبل ماتمسح دمعك بإيدك إيد ربنا هتسبقك

وبدل كل حنان البشر حنيته هتحوطك و تطمنك

همسه في ودنك هيقويك تكمل مشوارك لمنتهاه

ماهو بين الأوقات دي و دي هي كده أصلا الحياة

في عـز السقعـة

و في عز السقعة بدفى بالغنا  لعينيـكي

و بصوتي البردان أحاول أدفيـكي

قدام الدفاية نشرب أنا و إنتي الشاي

كوباية واحدة محوطاها إيديا و إيديكي

رقبينا أنا و إنتي متحوطه بنفس الكوفيه

لسه ريحتك فيها من لما جبتهالي هديه

ولما يلمس شعرك خدي .. الاقيني بضمك

و أهمس في ودنك و أسألك .. سقعانة ؟؟

تبصيلي بلمعة عينيكي و تقولي بحبك

و تحمر خدودك فلاقيكي أدامي  ورده خجلانه

لتنــاقض الإحســـاس

لتناقض الإحساس ...

فطالما كان الأختيار أصعب

فأحلى الأختيارين مر ....

إختيار ما بين فرقة معتادة يتبعها لقاء

أم لقاء كفرح قصير يتبعه ألم الفراق

فالفراق يبدأ مؤلما .. كئيبا .. و كأنه موت بطيئ

إنسحاب للروح يتلوه بطء بنبضات القلب

يأتي بعد ذلك الحنين ... إسترجاع الصور و الذكريات .. و فجأة تستعيد أذني أصوات ضحكنا و كلامنا

فترتسم على الشفاه إبتسامة ممزوجة بدمعة مجهولة الهوية ....

أهي دمعة حزن على الفراق أم أنها دمعة حنين إلى لقاء قريب !!

تمضي الأيام بنبل الألم .....

ألم الحنين إلى الذكريات و ألم الإشتياق إلى اللقاء

أرتاح به ويصبح هو دوائي الذي لا أحيا إلا به

فنبل الألم يا عزيزتي إدمان المتيم بالعشق

أما اللقاء ......

فتبدأ أعراضه بالظهور قبل مولده

فلمعة العين و الإبتسامة البلهاء أدلة إثبات واضحة على قرب موعده

يزيد الأشتياق أضعافا ما إذا إقترب اللقاء ولكنه إشتياق مبهج و كأنه إشتياق بلون السعادة ...

مشمس و مشرق ... خفيف لدرجة تجعلك تشعر انك لست على الأرض .....

و يبدأ التخطيط ... ترى ماذا أقول ؟؟

ما الأغنية المناسبة لهذا اللقاء ؟؟

يالسخافاتي !! و ما يشغلني بماذا سأقول او ماذا سأغني !!

فدائما ما تقول العين أصدق الكلمات ...

و يأتي اللقاء ...

ضجيج الكون يصمت فجأة .. كل الأصوات حولنا تختفي ....

لا وجود إلا لأصوات تغريد العصافير مع حفيف الأشجار

يتناغمون سويا ليضعوا لنا الموسيقى التصويرية للقاء

أنظر إلى عينيكي ليغرق كلامي في مقلتيكي ويصبح لا يسعني إلا أن أتجرأ و أضع زهرة أزين بها شعرك المتطاير حول وجهك

و سريعا ينتهي اللقاء ...

كحلم جميل يقصر زمنه مهما طال

تتوادع الأيادي و الأعين متعلقة ببعضها تأبى الوداع

و يمضي كل جسد ليعواد العيش في تلك الدائرة المفرغة مابين فراق و لقاء

و لكن تظل الأرواح متشابكة ببعضها

لتضمن عودة كل جسد للقاء قريب

عــادي ؟؟؟

عادي لو قلتلك شوفتك وحشتني ؟؟؟ و عادي لو قلتلك ان صوتك بيرن في ودني ؟؟ طب هو ينفع تخليكي و ماتسافريش ؟؟!! حتى لو في نص الطريق ارجعي مايهمكيش اشوفك مرة كمان و اخد معاكي صورة نسينا نتصورها و اضحك معاكي ضحكة تصبرني على اللي هعيشه من غيرها واهمس في ودنك ماتسبنيش ده انا ماليش غيرك خلي ايدك في ايدي وندعي ربنا يخليني نصيبك

عـن التقيــد بالــذات

عـن تلــك الدمعة المتحجرة بمقلتيك ...

تأبى النزول فتعلن إنكسـارك

و تأبـى الرجوع فتعلـن السلام و اللا شيء

عـن تلــك الكلمــات المسجــونة بيـن صدرك و لســانك

تأبـى الخـروج فتكشـف للعــالم سرهــا

و تــأبى البقــاء ساكنــة .. فتــموت وحيـدة

عـن تلـك الهمـهمـات التـي تـرددهــا قبـل نومــك

تـأبى البقــاء من الأمـس فتنســى

و تـأبى أن تكــون غد لازالـت لا تعـرفه

عـن تلـك الأحلام بالغــد الأفضل

تـأبى أن تتـحقق .. فينتــهي الحلـم

و تــأبى أن تتــعايـش مع ألام اليـوم

عـن أميـرة أحلامــك و أطفــالك الخيــاليـن

يـأبون تـرك الخيــال و العيـش فـي الواقـع

و يـأبون عيشـك للواقــع بدونــهم

عـن تلــلك الذكريــات التــي تفتــرش وسـادتــك ليـلا

تــأبـى أن تـدفن في رمــال نسيــانك

وتــأبـى البقــاء ذكــرى بدفتــر يوميــاتك

عـن كـل تجـربة عشــت معهــا و تـألمـت بهــا ..

تــأبى  أن تُنسى فتفقـدك ما تعلمتــه منهــا

و رأفـة بحـالك .. تـأبى علـى أحـداثــها أن يقتــلك ألمهــا

عـن كـل أغنيــة كتــبتـها و أستـوحيـت كلمـاتهـا مـن حبيبتــك
تأبى البــوح صراحـة أن كلامـك لهــا
و تـأبى أن تُســجن بصـدرك و تــموت إن لـم تخـرج بوقتــها

عـن التقيــد بالــذات ..........

ذاك الركن البعيد



و في وسط ذلك العبث الذي أرغمت على العيش فيه ...
تبقي أنتي ذلك الركن الهادئ ..

 أتوق إلى الذهاب إليه ..

 لأتطهر فيه عن كل أخطائي و أخطاء قدري‎ ‎فيي ..

ذاك الركن البعيد الذي سأرفع فيه صلاواتي وإبتهالاتي و دموعي و أمنياتي إلي ربي

ذاك الركن الذي تتراقص فيه دموعي و هي تنسال رهبة لقداسة حضورك

ذاك الركن الحنون ... الذي سأنام فيه لأستيقظ بلا جراح من الماضي

ذاك الركن الذي مت من أجل الوصول إليه أعواما و أعواما و سأواصل الموت حتى أصل إليكي

ألف و ألف عام و أنا أموت إشتياقا إليكي ..

 إلى لمسك .. إحتضناك .. البكاء على كتفيك و الصراخ بألف ألف آه حتى تتقطع أحبالي الصوتيه

أشتاق أن تلملمي أجزائي المتكسره و لكن أخشى عليكي أن يجرحكي زجاج عمري المتكسر

مـن غيــر بعديـــن

طول عمري بفكر في الخطوة قبل ما انفذها

لازم اكون عارف ايه هيحصل بعد ما اعملها 

بس المرة دي ماقدرتش افكر

صوت قلبي كان اعلى رغم انه اخطر

لاقيت نفسي بتصرف من غير ماحسبها

من غير بعدين لاقتني مقرر اعيشها

لاقتني بحبك من غير ما احس ولا اخطط

بقول بحبك من غير ما اتردد او اتلخبط

كل خوفي اعترفلك تساليني و بعدين

محدش عمرة عرف اللي هيحصل بعد رمشة عين

سيبي التفكير على جنب و حبيني من غير بعدين

الامان في حبي ليكي مش ف تخطيط لسنين

ماعنديش غير قلب انتي ساكناه

وعشم كبير في ربنا يحققلي مناه

وان كان ع اللي جي فانا جنبك ماتخافيش

فكي الحصار عن قلوبنا و خلينا لبعض نعيش

.

الرفــض رغــم الإحتيــاج

عــارفـة ....
أصعــب حــاجة .. إنــي أحتــاج حـاجـات منــك إنتــي
و ألاقــي غيـرك بيــدهـالي
مـن غيـر حتــى ما طلبــها

بيـحصـل حـاجــة هنــا
إسمهــا الرفــض رغــم الإحتيــاج
و ده أصعــب أنــواع الرفــض

زي العطشــان اللـي بيـرفض المــاية
عشــان مش مـن إيــدك
و مـع إنـي همــوت مـن العـطش

بتــعذب ... و أنــا شـايــف أكتــر كمــان مـن اللـي محتــاجة
و مـش قــادر ألمســة

أوقــات بغضــب .. بغضــب منــك
عشــان بحــس إنـك قـاسيــة
أو إنــي مـش فــارق معــاكي
زيـي زي كتيــر مـن اللـي عايـشيــن حواليـكي
مـافيــش مـرة حسيـت منـك إهتمــام زيـادة
أو لهفــة ... لهفـة زي اللـي بشوفهــا فـي عيـون غيـرك ليـا

غضبــي ده سـاعـات بيـخلينــي بضعـف
و الاقـي نفســي غصــب عنــي بفـرح
بفــرح بيـني و بيـن نفسـي
بلهفــة أو كلمــة تحسســني إنـي فـارق معـاهم

آه أنــا مـابسلمـش
بـس بـلوم نفـسي علـى فرحتـي بـده

قـويـني بيـكي
عشـان أنــا مـش عـايـز أي حـاجـة
غيـر منــك إنتــي

إحتــوينـي عشـان تبعدينــي
عـن كـل اللـي حواليــا
عشـان فرحتـي تكـون حقيقيـة
أصـل أي حاجــة إنتــي مش فيهــا
أكيــد بتـكون نـاقصـة

حضــرة المحتـــرم إبنــــي

حضــرة المحتـــرم .... إبنــــي
بعــد التحيـــة و الســلام اللــي ببعتـــهولك يوميـــا ....
وحشتنـــــي :)

بــس علـى قـد مـا بحلـــم بـاليــوم اللـي هتــنور فيــه حيــاتي
علــى قـد مـا أنــا خايـــف أجيبــك لدنيتــــنا 

مـا تستـــغربـش كــده !!!!

أنـــا همـــوت و أشــوفـك أدامـي 
و ألمســك و أشـــم ريحتـــك 
يــا حتــة منــي بتتـــحرك و تتـــكلم 

بـس يــابنــي .. دنيـــتنا مـش حلــوة .....
و مديـــنتنـا مـش المدينــة الفـاضلــة بتــاعة أفلاطــون
مـش عـايـزك تحتـــار زيي ولا تعيــش اللي أنــا عايـشة

كـان نفســي ليــك فـي دنيــا مثـــاليـة 
فيــها حـق و حـب و عـدل 
زي اللـي هربيــك عليــهم 
مـش عايــزك تلاقـي نفســك إتربــيت علــى حــاجة 
و مجتمــعك بيـفرض عليــك حـاجـة تــانيـة 

خـايـــف عليــك .... خــايـف عليــك منــــي 
و مـن يــوم تكــرهنــي فيــه عشــان كنــت السبب فـي إنــك تيــجي دنيــتنـا دي
خـايــف عليــك تكــره المبــادئ اللـي ربيــتك عليـها 
و تتــنازل عنــها عشــان تقــدر تعيـــش 
خــايــف عليـــك تبطــل تحلــم .. يــوم مـا يتــكسرلك حلــم 

عـايـزك بــس تــعرف ... إنــي جيـبتـك للدنيـــا 
عشــان أنــا محتجـلك .... محتــاجك تكــون سنــدي .. و سنــد لأمــك و لأختــك مـن بعـدي
عـايــزك تكــون عنيــد ... و تـنح للدنيــا 
ويــوم مـا تكســرلك حلـم ... إحلــم بدالــه عشـريــن حلــم 
تــنح فـي وش الدنيــا لحــد مـا هـي تسلـــم 
و إعــرف إنــك مـش لـوحدك 
دايــما هتـلاقينـــي حـواليـــك 


مـش عـارف أقـولك إيـه تـاني !!!!
أو أوعــدك بإيــه !!
مـش عــارف أقــولك غيــر إنــي بحبــك
و بعمــل المستحيـــل عشــان يــوم مـا تيــجي للدنيــا
تفــرح إنــك إبنـــي :)

إمضــاء : 

أبـــوك 

أتقبــليني زوجـــا لكــي ؟؟!!!

جوايا ليكي 100 سؤال نفسي أقولك عليهم 

و 100 فكرة مجنونة نفسي أخليكي تعيشيم

أهم سؤال فيهم " أتقبليني زوجا لكي " ؟؟

و تسمحين لي ليل نهار أقولها لكي " أحبكي "

معلش السؤال طريقته قديمه أنا أصلي قديم 

ونفسي أرقص معاكي slow على لما النسيم

ترضي نعجز سوا وإحنا بنسمع فيروز و زين محمود ؟؟

و من غناهم أكتبلك غنوة ماتخليش لحبنا حدود 

طب هو ينفع أحكيلك عن الاحلام اللي حلمتها بيكي ؟؟

اللي فرحتي فيها بالبلالاين و الورد اللي حواليكي

و أقولك على كل مرة صحيت بضحك عشان شوفتك 

ورجعت زعلت عشان طلع حلم و هستحمل بعده غيبتك 

تقدري تستحملي جنون الطفل اللي جوايا ؟؟

و يوم ماضغوط الحياة تزيد تقفي معايا ؟؟؟

و ياه لو عجبك متيم يكون إسم إبننا 

و هكون حقاني و أخليكي إنتي تسمي بنتنا 

مش هممني إجاباتك على الأسئلة دي أصلا 

أهم إجابة عندي تكون "نعم قبلت بك زوجا "

للحيــاة أراء أخــرى

أبــكي و أضحــك علـى أحـلامــي .. علـى أمنيــاتـي ...
علــى جهـــودي الضـــائعة فـي تحقـيقـهم
فـدائـما مـا يكــون للحيــاة أراء أخــرى 

أود أن أصلــح نفســي و أصـلح مـن حـولي
أحــلم بحيـــاة سعيـــدة مثـــاليـة لـي و لمــن أحبــهم
أتـــوقع دائــما أنــي أمتـــلك عصــا سحـريـــة 
لا ينقصـــها إلا مجهـــود منــي لأحــقق مـا أتمنـــاه

ولكـــن دائــما مـا أتنـــاسى أن للحيــاة إرادة أخـرى

فليــس كـل مــا أتمنـــاه ســأحـققه 
وليــست كـل أحـلامـي ستــصل إلـى الحقـيقــة التــي أريـدهــا
و لســت إلهــاً للسعـــادة أستــطيـع أن أهبـــها لمــن يســتحقهــا

فســامحينـــي يــا نفســي و رأفــة بحــالــي
فعصـــاي الســحريـة أضــعف مـن أن تــقـف فـي وجــه إرادة  الحيــاة
لا تجــليديـني بســواط اللــوم إن ســارت الأمـــور عكــس مـا أردنــا
تعــلمــي يــا نفـســي أن تفتــخري بمجهــودك و تــرضي بمـا حققـناه
و تــرتـضي أيـضا بــأراء الحيــاة حتــى كــانت عكــس أرائـنــا

فمــن حـق الحيــاة أيـضــا أن تمتــلك أراء خــاصـة بهــا 

مـن طــرف واخـــد ع الأحـزان

إعذرينــي لـو حبــي ليــكي ماليــه الشجن 

أصلي بحبــك مـن طــرف واخــد ع الأحـزان

و بقلـب عـاش عمـره كـله يـدور علـى سكـن

و مالقالــوش غيـر شـوارع البـرد عنــوان 

خايـف أصدق إنــه بيــكي هيـرجع تانــي إنسـان

 خايـف أصـدق إنـك فرحــة و سـكن و أمــان

لمــا بشـوفــك قلبــي بيـفرح و يتـوجع فـي نفـس واحــد

عينــي بتـلمع بحبــك و تـدمع لألمـك كأنــي إتنـين في واحد

كأنـي واحـد إستــحلى المــوت و التـانـي نفسـة يعيــش

فرحــة صغيــرة بتـحارب حــزن مكــون مـن جيــش

فــعذريــني لـو لاقيتـــي حبيبـــك مــجرد بـواقي إنســان

وإعــرفـي إنـــي بحبـــك مـن طـرف واخــد ع الأحـــزان

كــام وصيـــة

بما إن الموت ف بلدنا بقى أسهل من إنك تتنفس

فعندي ليكو كام وصيه .. لما أموت ياريت تتنفذ

  ياريت محدش يتاجر بدمي

        ويعمل إنه شايل هم أهلي وهمي        

محدش يغير صورة بروفايله

   ويحط صورة سوده مكتوب عليها حداد 

قلولوا الأموات مستغنين عن جمايله

أصل عمر الحزن ما كان بكتر السواد

محدش يعيط و يسأل ذنبنا إيه

ماتعملوش عبط إحنا الموت خدنا عليه

وذنبنا إننا حبينا بلدنا بزياده

رغم إنها ماسقتناش غير قهوة ساده

أما نعشي ما يحملوش غير إخواتي

أحمد و مينا .. مارك و إسلام

أصلهم شافو ضحكي وحسوا أهاتي

و حلموا معايا بأجن الأحلام

هيودوا شعري وخواطري لحبيبتي

هيحكولها ع اللي داريته عنها أيام

خدوا بالكو من أمي و بسولي إيديها

قولولها إني ماخفتش م الموت قد ماخفت عليها

قلولها مستنيها ندخل سوا باب الجنه

صبروها بالأمل ده و خلوها تستنى

إعزروني ع الكام وصيه اللي إتقالو لو كانو تقال

إبقوا إفتكروني بيهم مش تدفنوا وتمشوا يا أندال 

عايــز أغنــــي

عايز أغني وتكوني إنتي قدامي

وأشوفك بتضحكي وأنا بغني كلامي

وخدودك تحمر لما إحساسي يوصلك

ده كل كلمه في الأغنيه دي تقصدك

ماهو كل كلمه إتكتبت بحب وإتغنت بإحساس

بغنيلك إنتي بقلبي وبصوتي بغني للناس

ولو عليا ماغنيش بالأتنين غير بس ليكي إنتي

بس بغنايا .. أنا بوصل للناس كلها إنك حبيبتي

عايز أكتب فيكي كلام .. قبل كده ماتغناش

متلحن ع اللحن اللي إتغنى يوم ما أوزوريس عاش

فرقة قلبي تعزف مزيكته .. و فرقه غيرها بلاش

الكمانجه و العود يعزفو و الناي أعزريه ماجاش