صراع داخلي

و كـأن فـي صـراع داخـلي عـايـش جـوايـا 

صـراع بيـن إتنـيـن عكس بـعض فـي كـل حـاجـه 

الأولاني ... طفــل منطــلق , مـرح , عــايــز يـضحـك , عــاشق للفــرحه 

أملــه فـي بـكرة كبـيــر و عنــده يقـيــن إنه أكيــد أحلــى مـن إنـهـاردة 

بيــحلم ببنــوتــه شقيــه تشـاركــه فرحـه و لعبــه وتجــري عليــه أول 

مايــوقع و تطـبطـب عليــه لمـا الدنــيا تهــزمه 

 منــطلقــه و مجنــونه زيــه  

و يـكون هـو عنــدهـا رقـم واحــد فـي حيــاتـها 

ويـكـون مبـدأهم هـما الأتنيــن واحـد وهـو إن أجـمل يـوم فـي حيـاتـهم هو اللي لسه ماجاش 

أمـا التــاني ... فــهو راجــل عجــوز فـاقـد الشـهيــه للحيــاة 

عـايــش عـلى أطـلال الـماضي و حـابس نفسـه جوا سجــن الذكــريــات 

أوقــات مـن كــتـر حـزنـه مابيـبــقـاش عنــده قـدرة إنــه يحــلم 

و حـتى لـو جـت صـدفه و حـلم , حـلمه بيـبقـى كـابـوس 

مبـدأه فـي الحـيــاه : الـمـوت جنـة المـعذبـون 

هـمـا دول الأتـنيـن اللي عـايـشيـن جوايــا 

سـعــات الطــفل هـو اللي بـيــغلـب و أتـنح للدنيــا و أضـحكـلها بالعنــد فيــها 

و سـعــات الـعجــوز هـو اللي بيكــسب و أحــس إنــي مــاليــش مــكان ع الأرض
و كتـيــر بســأل نفــسـي .. أنــا ميــن فيــهم بالـظبـــط ؟؟

قبلك , معاكي , بعدك

قبلك , معاكي , بعدك

قبلك .. كان الحب مجرد كلمة حلوة بغنيها 

مع إني عمري ما عيشتها ولا قلبي حس بيها

كنت أسمع عنها من حكايات ناس عاشقه

وأخاف أعيش فيها لاحسن قلبي يشقى

***

معاكي .. بقى الحب حلم جميل عايش فيه 

كان إحساس جديد عليا أول مرة أحس بيه 

صدقته و سبته يملكني و سلمت قلبي ليه

كأني ماصدقت لقيته و بقلبي جريت عليه

***

بعدك .. بقى الحب بالنسبالي كدبه صدقتها 

كلمة كنت بدور عليها بس دلوقتي كرهتها 

ياريتني ماكنت قبلتك و كان فضل كلمة حلوة 

بعيشها و أصدقها و أنساها لما تخلص الغنوة

الــــوحدة

الـــوحدة

هل هي حالة بنعيشها ولا شعور بنحس بيه ولا هي إحساس من كتر مابنعيشه بيعيش فينا ؟؟؟

في رأي المتواضع إنها كل دول في بعض 

فهي في البداية مجرد حالة .. أو وضع إتفرض عليك .. أو إنت اللي حبيت تجربه

وبتبدأ تتعايش معاه وتحاول تأقلم نفسك عليه 

يمكن في البداية بتحس إنه حاجه مفيدة إنك تكون لوحدك لأنه بيبقى عندك فرصة إنك تفكر في كل حاجه و تعيد حساباتك و أكيد قبل كل ده فهي أوقات بتكون راحة للأعصاب 

بس لما الوضع يطول بتبدأ تحس أد إيه الوحدة بتقتلك ببطئ ...هتلاقيها في أغلب الأوقات هتقلب عليك ذكريات إنت بتحاول تدفنها 

وسعات الوضع يسوء أكتر و ترجعك لحجات إنت كنت نسيتها ,, كل دي حجات صعبه أنا معاك

بس خد بقى اللي أصعب من كل ده 

إنك تبدأ تحس إن الوحدة بقت ساكنة فيك مش إنت اللي ساكنها 

بمعنى إنك تبقى في وسط الناس بس رغم كده حاسس بالوحدة و حاسس إنك لوحدك و مكتفي إنك بتتفرج ع الحياة و ع الناس و كأنك جي الدنيا دي ... ضيف شرف 

خـواطر طفـولية باللون الوردي .. لون غـزل البنــات
خــواطر صـافية باللون الأزرق .. لـون البـحر
و أوقــات بتـكون خـواطر متــضادة
زي النجــوم في السمــا بليــل