غريبه أوي حكايتك معايا
بدأت من قبل ما تبتدي
وتأثيرك فيا بدأيظهر من قبل ماتظهري إنتي في حياتي
و كأنك فعلا غير الجميع
دويتي كل اللي جوايا من و إنتي في مكانك من غير ولا كلمة .. من غير ولا لمسة
بس نظرة من عينيكي كانت دوا لسنين عذاب
مجرد هوا إتنفسته جي من بين خصل شعرك ,, قدر يفتح جوا قلبي ورود دبلت بقالها سنين
و مع إننا عمرنا ما إتكلمنا
بس أنا كل يوم ببعتلك مع القمر كلام كتير بتمنى يجي يوم و اقولهولك بنفسي
وأحكيلك ع اللي من غير ماتقصدي أو تعرفي عملتيه فيا
شكرا للصدف القليله اللي جمعتنا
شكرا لعنينا اللي رغم قلة وقت اللقى إتكلموا
شكرا لنسيم الهوا اللي عدا بين شعرك و سكن بعدها في صدري
شكرا للقمر الي بيسهر يسمع كلامي عليكي من غير ما يمل أو يقول عليا مجنون
شكرا لأنك ظهرتي في حياتي ,, حتى لو كان ظهورك مجرد حلم
No comments:
Post a Comment